မကွေးတိုင်း၊ မြိုင်မြို့နယ်အတွင်း ရွာများမီးဆက်လက်ရှို့ခံရ

၂၀၂၂ ခုနှစ်၊ သြဂုတ်လ ၂၅ ရက်

မကွေးတိုင်း၊ မြိုင်မြို့နယ် သဒွတ်ရွာကို စစ်ကောင်စီတပ်က အင်အား ၁၀၀ ကျော်ဖြင့် ဝင်ရောက်စီးနင်းခဲ့ပြီး ရွာအတွင် အိမ်ခြေ ၃၀၀ ကျော် မီးရှို့ခံခဲ့ရကြောင်း ဒေသခံများမှတစ်ဆင့် သိရသည်။

စစ်ကောင်စီတပ်သားတွေ အလုံးအရင်းနဲ့ ရွာထဲဝင်လာ၍ လက်နက်အင်အားမမျှခြင်းကြောင့် PDF များ ရွာကို စွန့်ခွာခဲ့ရပြီး စစ်ကောင်စီတပ်သားများမှ ရွာတွင်းအိမ်များကို မီးရှို့ခဲ့ခြင်းဖြစ်သည်။

လက်ရှိအချိန်မှာလည်း စစ်ရေးတင်းမာလျက်ရှိပြီး မြိုင်မြို့နယ်အတွင်း သဒွတ်၊ ပေါက်ခေါင်း အပါအဝင် ရွာပေါင်း ငါးရွာက ဒေသခံပြည်သူတွေ ရွာလုံးကျွတ် ဘေးလွတ်ရာသို့ ထွက်ပြေးနေရကြောင်းသိရသည်။

Photo: Myaing's Hero Generations PDF

 AA နှင့် စစ်ကောင်စီတပ်တို့ တောင်ကုတ်တွင် တိုက်ပွဲဖြစ်၊ စကစ မှ ၁၄ ဦးထက်မနည်းသေဆုံး

ရက္ခိုင့်တပ်တော် AA တပ်ဖွဲ့ဝင်များ

၂၀၂၂ ခုနှစ်၊ သြဂုတ်လ ၂၅ ရက်

ရခိုင်ပြည်နယ်၊ တောင်ကုတ်မြို့နယ်၊ ချောင်းသုံးခွကျေးရွာဖက်တွင် ရက္ခိုင့်တပ်တော် AA နှင့် စစ်ကောင်စီတပ်တို့ ယနေ့ သြဂုတ်လ ၂၅ ရက် ညနေပိုင်းအချိန်၌ တိုက်ပွဲဖြစ်ပွားခဲ့ကြောင်း ဒေသခံများမှတစ်ဆင့် သိရသည်။

စစ်ကောင်စီတပ်က ရက္ခိုင့်တပ်တော် AA တပ်စခန်းရှိရာနေရာသို့ ဝင်ရောက်တိုက်ခိုက်ရာ သတင်းကြိုတင်ရရှိခဲ့ပြီး စစ်ကောင်စီတပ်အား ကြားဖြတ်တိုက်ခိုက်ခဲ့ရာ
စစ်ကောင်စီဖက်မှ ၁၄ ခန့်သေဆုံးခဲ့ကြောင်း AA ၏ သတင်းရင်းမြစ်က ပြောသည်။

လက်ရှိတွင် စစ်ကောင်စီတပ်နှင့် ရက္ခိုင့်တပ်တော် AA တပ်တော်တို့ နှစ်ဖက် စစ်ရေးတင်းမာလျက်ရှိပြီး ထိတွေ့တိုက်ပွဲများလည်း ခက်စိတ်စိတ်ဖြစ်ပွားလာကြောင်းတွေ့ရသည်။

 လမ်းမှားလာသည့် စစ်ကောင်စီတပ်ဖွဲ့ဝင် ၁ ဦး လက်နက်နှင့်အတူ ဖမ်းဆီးရမိ

၂၀၂၂ ခုနှစ်၊ သြဂုတ်လ ၂၅ ရက်

စစ်ကိုင်းတိုင်းဒေသကြီး၊ ခင်ဦးမြို့နယ်အရှေ့ခြမ်းမှာ စစ်ကောင်စီတပ်သား သူရိန်ကို လက်နက်နှင့်အတူ ယနေ့ အရှင်ဖမ်းဆီးရမိကြောင်း သိရသည်။ ဒေသကာကွယ်ရေးအဖွဲ့များဖြစ်သည့် Khin-U Dynamite Squad၊ ရောင်နီပျောက်ကျား၊ Narapati Local Guerrilla Revolution Force တို့က ပူးပေါင်းဖမ်းဆီးခဲ့ခြင်းဖြစ်ကြောင်း သိရှိရသည်။

 စစ်ကောင်စီ၏ ပြင်းထန်သည့်ထိုးစစ်များကြောင့် KNLA စိုးမိုးနယ်မြေအချို့ဆုတ်ပေးခဲ့ရ

၂၀၂၂ ခုနှစ်၊ သြဂုတ်လ ၂၅ ရက် 

ကရင်ပြည်နယ်၊ မြဝတီခရိုင် KNU တပ်မဟာ(၆) ထိန်းချုပ်နယ်မြေ မြဝတီ-ဝေါလေ ကားလမ်းမပေါ်ရှိ သုံးထပ်ကွေ့တိုက်ပွဲတွင်ည စစ်ကောင်စီ၏ ပြင်းထန်သည့်ထိုးစစ်များကြောင့် KNLA ထိန်းချုပ်ထားသည့် နေရာအချို့ ဆုတ်ပေးလိုက်ရကြောင်း သိရသည်။

စစ်ကောင်စီတပ်မှ တိုက်လေယာဉ် ၅ စီးအသုံးပြုကာ ဖျက်အားပြင်း ကလက်စတာဗုံးများ၊ ပေါင် ၅၀၀ ဗုံးများအသုံးပြုကာ အကြိမ်ကြိမ် ဗုံးကျဲတိုက်ခိုက်ခဲ့ကြောင်း KNLA (Cobra စစ်ကြောင်း) ပြန်ကြားရေးတာဝန်ခံ ကိုမျိုးသူရကိုကိုက ပြောသည်။

သြဂုတ်လ ၂၃ ရက်နေ့တိုက်ပွဲတွင် စကစ တပ်မှ သုံးဦးသေဆုံးပြီး ငါးဦးပြင်းထန်ဒဏ်ရာရကာ Cobra စစ်ကြောင်းဘက်မှ နှစ်ဦးကျဆုံးကာ သုံးဦးထိခိုက်ဒဏ်ရာရရှိခဲ့ကြောင်းသိရသည်။

စစ်ကောင်စီ၏ အရှေ့တောင်တိုင်းစစ်ဌာနချုပ် တိုင်းမှူးနေရာသို့ ပြောင်းရွှေ့ခန့်အပ်ခံရသူ ဗိုလ်ချုပ်မြတ်သက်ဦးကိုယ်တိုင် သုံးထပ်ကွေ့တိုက်ပွဲကို အမိန့်ပေးကွပ်ကဲနေကြောင်းလည်း သိရသည်။

https://www.facebook.com/TheCobraColumn

တပ်ရင်းမှူးဆင့်ရှိသူ ဒုတိယဗိုလ်မှူးကြီး ၁ ဦး သေဆုံး

၂၀၂၂ ခုနှစ်၊ သြဂုတ်လ ၂၅ ရက် 

မြိုင်မြို့နယ်တွင် တပ်ရင်းမှူး ဒုတိယဗိုလ်မှူးကြီး ၁ ဦး အရပ်ဝတ်ဖြင့် ဖမ်းဆီးရမိစဉ် ထွက်ပြေး၍ ပစ်ထတ်ရာမှ သေဆုံးမှု ဖြစ်ပွားခဲ့တယ်။

အဆိုပါ သေဆုံးသွားသော ဒုတိယဗိုလ်မှူးကြီး၏ လက်မောင်းတံဆိပ်သည် အနောက်တော်ပိုင်းတိုင်း စစ်ဌာနချုပ်တံဆိပ်ဖြစ်ကြောင်း သိရသည်။

မြိင်မြို့နယ်ကာကွယ်ရေးတပ်ဖွဲ့ဝင်များသည် မြိုင်-ပခုက္ကူလမ်းပိုင်းတွင် စစ်ဆေးရေးများပြုလုပ်နေစဉ် စစ်ဆေးမေးမြန်းရာ စစ်ဆေးမခံဘဲ ထွက်ပြေးသဖြင့် ပစ်ခက်ဖမ်းဆီးရာ သေဆုံးသွားခြင်းဖြစ်သည်။

 ပြည်သူ့ရင်ခွင်ခိုလှုံလာသူ ပြည်သူ့သားကောင်းများကို NUG ဂုဏ်ပြုတွေ့ဆုံ

23-3-2022

အမျိုးသားညီညွတ်ရေးအစိုးရ(NUG)တာဝန်ရှိသူများသည် ပြည်သူ့ရင်ခွင်ခိုလှုံလာသော ပြည်သူ့သားကောင်း တပ်သား၊ရဲများနှင့် တွေ့ဆုံပွဲပြုလုပ်ခဲ့ကြောင်း သတင်းထုတ်ပြန်သည်။

အဆိုပါ 'ပြည်သူ့သားကောင်းများနှင့်တွေ့ဆုံပွဲ' ကို မတ်လ ၁၉ ရက်တွင် လွတ်မြောက်နယ်မြေတစ်နေရာ၌ ပြုလုပ်ခဲ့ခြင်းဖြစ်သည်။

တွေ့ဆုံပွဲသို့ အမျိုးသားညီညွတ်ရေးအစိုးရတာဝန်ရှိသူများ၊ ပြည်သူ့ရင်ခွင်ခိုလှုံရေးအစီအစဉ် အကောင် အထည်ဖော်ဆောင်မှုကော်မတီဝင်များ၊ မဟာမိတ်တော်လှန်ရေးအဖွဲ့အစည်းမှ စစ်ဘက်၊အရပ်ဘက်ဆိုင်ရာတာဝန်ရှိသူများ၊ ပြည်သူ့ရင်ခွင်ခိုလှုံလာသော တပ်သား၊ရဲသားများနှင့် ၎င်းတို့၏ မိသားစုဝင်များ တက်ရောက်ခဲ့ကြောင်း ထုတ်ပြန်သည်။

ထို့အပြင် NUG ယာယီသမ္မတကြီးဒူဝါလရှီးလနှင့်ကာကွယ်ရေးဝန်ကြီး ဦးရည်မွန်တို့က ပေးပို့သော အားပေးစကားနှင့် ဂုဏ်ပြုသဝဏ်လွှာများကို ဖတ်ကြားခဲ့ပြီး ကျန်းမာရေးဝန်ကြီးဌာနနှင့်ပညာရေးဝန်ကြီးဌာန တာဝန်ရှိသူများက လက်ရှိ NUG၏ လုပ်ငန်းများကို ရှင်းလင်းပြောကြားခဲ့သည်ဟု ဖော်ပြသည်။

ပြည်သူ့ရင်ခွင်ခိုလှုံရေး အစီအစဥ် အကောင်အထည်ဖော်ဆောင်မှုကော်မတီမှ တာဝန်ရှိသူများကလည်း ကော်မတီ၏ လက်ရှိလုပ်ဆောင်နေသော လုပ်ငန်းတာဝန်များနှင့်ရှေ့ဆက်လုပ်ဆောင်မည့် လုပ်ငန်းများကို ပြည်သူ့သားကောင်း တပ်သား၊ရဲများနှင့် အပြန်အလှန် ပွင့်ပွင့်လင်းလင်း ရှင်းလင်းဆွေးနွေးခဲ့သည်ဟု ထုတ်ပြန် သည်။

ဓာတ်ပုံ - NUG ကာကွယ်​ရေးဝန်ကြီးဌာန

သင်္ဘောလုံခြုံရေးယူနေသော စစ်ကောင်စီတပ်ဖွဲ့ကို မြို့လှ PDF မိုင်းဆွဲပြီး လက်နက်ကြီးဖြင့်ပစ်ခတ်၍ စစ်သား ၃ ဦး သေဆုံး၊ ကလေးမြို့နယ်တွင် စစ်ကောင်စီနှင့် ပျူစောထီးတပ်ဖွဲ့ တိုက်ခိုက်ခံရပြီး ၃ ဦး ဒဏ်ရာရ

ရန်ကုန်၊ မတ် ၂၄

ကသာမြို့နယ်၊ မိုးတားလေးကျေးရွာမှ အောက်ဖက် ဝဲကြီးကျေးရွာသို့ ခြေလျင်ထွက်ခွာလာသော စစ်ကောင်စီတပ်ဖွဲ့ကို ယနေ့ မတ်လ ၂၄ ရက် နံနက် ၇ နာရီ ၂၀ မိနစ်ခန့်တွင် မြို့လှ PDF က မိုင်းဆွဲတိုက်ခိုက်ခဲ့ပြီး M79 ဗုံးသီးများဖြင့် ပစ်ခတ်၍ စစ်သား ၃ ဦး သေဆုံးသွားကြောင်း သတင်းရရှိသည်။

အဆိုပါ အင်အား ၄၅ ဦးခန့်ရှိ စစ်ကောင်စီတပ်ဖွဲ့သည် မြစ်ကြောင်းတလျှောက် သင်္ဘောလုံခြုံရေးယူပေးနေသည့် တပ်ဖွဲ့ဖြစ်ကြောင်း ၁၀ မိနစ်ခန့် အပြန်အလှန် ပစ်ခတ်ခဲ့ကြောင်း PDF များ အထိအခိုက်မရှိ ဆုတ်ခွာခဲ့ကြောင်း မြို့လှ PDF က သတင်းထုတ်ပြန်သည်။

အလားတူ ကလေးမြို့နယ်၊ မြစ်သာမြစ်အနီးတွင် စစ်ကောင်စီနှင့် ပျူစောထီးတပ်ဖွဲ့ကို PDF - Kalay အဖွဲ့က ပစ်ခတ်တိုက်ခိုက်ခဲ့ပြီး စစ်သားနှင့် ပျူစောထီး ၃ ဦး ကျည်ထိမှန်ဒဏ်ရာရကြောင်း သိရှိရဿည်။

တိုက်ခိုက်မှုများသည် မတ်လ ၂၂ ရက် ညနေ ၅ နာရီဝန်းကျင်နှင့် မတ်လ ၂၃ ရက်များတွင် ဖြစ်ပွားခဲ့ခြင်းဖြစ်ပြီး PDF များ အထိအခိုက်မရှိဟု PDF - Kalay က ထုတ်ပြန်သည်။

ဓါတ်ပုံ - မြို့လှ PDF တပ်ဖွဲ့ဝင် ၁ ဦး